Contos sobre o Nadal este luns no Contomar

Este próximo luns 17 de decembro no Contomar cantaremos e contaremos historias e cancións relacionadas co Nadal: Os Bolechas festexan o Nadal, Olivia recibe o Nadal, Antón e o Apalpador e Xa me tardan estes Magos. Será, como cada luns, ás 18:00h na Biblioteca Municipal de Gondomar.
Ademais, os nenos e nenas que teñen esta tempada máis estrelas de asistencia no seu carné do Contomar recibirán, grazas á colaboración da Concellería de Cultura do Concello de Gondomar, unha invitación para asistir á sesión especial de peche de ano do Contomar que se celebrará no auditorio Lois Tobío o domingo 23 de decembro ás 18:00h: será unha función do espectáculo de títeres Fábula galénica, de Fantoches Baj, baseado no libro Fábula galénica, de Inácio Vilariño, editado por Baía Edicións.

A continuación deixámosvos algunhas imaxes da sesión celebrada o pasado luns 10 de decembro.

Deixa un comentario

O teu enderezo electrónico non se publicará Os campos obrigatorios están marcados con *