Faite soci@!

A portada

Actividades febreiro 2023

“8 días sen Eva Cortés” no Sete Vidas

Contomar, este luns 30 de xaneiro

Espazo Lectura: 15 anos fomentando a lectura en lingua galega

Este sábado, nova sesión do Comando Le

O Lendo Contigo celebra a primeira sesión do ano

Xogamos coa lúa en Contos en Cueiros

Contomar, este luns 23

As nosas redes

Twitter Facebook Instagram Flickr Youtube

Próximos eventos

Febreiro 2023
Feb 06
06 Febreiro 2023
Contomar

Contacontos para nenos e nenas de 3 a 9 anos.

Find out more
Feb 13
13 Febreiro 2023
Contomar

Contacontos para nenos e nenas de 3 a 9 anos.

Find out more

As nosas fotos

Contomar

31/01/2023
29/01/2023O próximo luns 30 de xaneiro, ás 18:00 horas, nova sesión do Contomar na Biblioteca Municipal de Gondomar para nenas e nenos de 3 a 9 anos. Na sesión anterior contamos: – Corvo (Algar). – Oso e mais eu (OQO). – Ravioli (OQO). – Os tres porquiños (Kalandraka). Deixámosvos a continuación algunhas imaxes dese día: [...]
21/01/2023O próximo luns 23 de xaneiro, ás 18:00 horas, nova sesión do Contomar na Biblioteca Municipal de Gondomar para nenas e nenos de 3 a 9 anos. Na sesión anterior contamos: – Un día de neve (Lata de sal) – Oso sonámbulo (OQO editora). – Todos o viron (Kalandraka). – Os dez animais (Editorial Galaxia). Deixámosvos a continuación algunhas imaxes dese día: [...]
14/01/2023O próximo luns 16 de xaneiro, ás 18:00 horas, nova sesión do Contomar na Biblioteca Municipal de Gondomar para nenas e nenos de 3 a 9 anos. Na sesión anterior contamos coa actuación Estrafalaria a cargo de Atenea García.  Deixámosvos a continuación algunhas imaxes dese día:  Estrafalaria [...]
30/12/2022
16/12/2022O próximo luns 19 de decembro, ás 18:00 horas, sesión especial do Contomar na Biblioteca Municipal de Gondomar para nenas e nenos de 3 a 9 anos. Nesta ocasión contaremos coa actuación Estrafalaria a cargo de Atenea García. Na sesión anterior contamos: – Dez gatiñas viaxeiras (Xerais). – A estraña sorpresa (Bululú). – Eu non fun (Kalandraka). – Cinco minutos de paz (Kalandraka). – Rumores no bosque (OQO). Deixámosvos a continuación algunas imaxes dese día: [...]
09/12/2022
08/12/2022O próximo luns 12 de decembro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos: – Nariz de ouro (OQO). – Ovelliña, dame la (Kalandraka). – Loboferoz (OQO). – (Non) A todas as nenas lles gusta o rosa (Xerais). – Luuume! (Antela editorial). Deixámosvos a continuación algunhas imaxes dese día:  [...]
24/11/2022O próximo luns 28 de novembro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior recibimos a visita de dúas mestras do CEIP Da Cruz-Camos, centro educativo socio-protector de Espazo Lectura e ao que queremos agradecer a súa participación e colaboración con nós. Raquel e Yaiza contáronnos: – Unha cor propia (Kalandraka). – Bonobos con lentes (Kalandraka). – Iriña bailarina (Embora). – Grisela (Kalandraka). Deixámosvos a continuación algunhas imaxes dese día: [...]
18/11/2022Este luns, 21 de novembro ás 18:00h na Biblioteca de Gondomar, o Contomar recibe a visita dun grupo de mestras do CEIP Da Cruz-Camos, centro educativo socio-protector de Espazo Lectura. Na sesión anterior contamos: Avós (Kalandraka), co que celebramos o cumprecontos dunha das nosas usuarias. E con motivo do vixésimo aniversario da traxedia ecolóxica do Prestige: Nunca máis (Kalandraka) e A historia do Rainbow Warrior (Kalandraka). Deixámosvos a continuación algunhas imaxes dese día:   [...]
10/11/2022O próximo luns 14 de novembro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos: – Feroz o lobo (OQO). – A verdadeira historia de carapuchiña vermella (Kalandraka) – As manoplas de Carapuchiña (OQO) – Quen lle ten medo á Carapuchiña vermella? (Linteo)  Deixámosvos a continuación algunhas imaxes dese día:   [...]
08/11/2022
06/11/2022O próximo luns 7 de novembro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos: – Seis barbudos (OQO). – Fiz, o coleccionista de medos (OQO). – A bruxa regañadentes (OQO). – Monstro pequeno di non (Sushi books). Deixámosvos a continuación algunhas imaxes dese día:   [...]
20/10/2022O próximo luns 24 de outubro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos: – Ratos de viaxe (Kalandraka). – Fab, o monstro amarelo (Kalandraka). – Quen son? Crias de animais. Australia (Kalandraka). – A tartaruga que quería durmir (OQO). – A miña árbore secreta (La guardia ediciones). Deixámosvos a continuación algunhas imaxes dese día: [...]
14/10/2022O próximo luns 17 de outubro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos: – Xa non son malo (Antela Editorial). – Cos brazos abertos (Kalandraka). – O cascabel da gata (OQO). – Oso banda (Xerais). Deixámosvos a continuación algunhas imaxes dese día: [...]
07/10/2022O próximo luns 10 de outubro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos: – Quen son? Australia (Kalandraka). – Chibos chibóns (Kalandraka). – O gato lambón (Kalandraka). – Un can (Xerais) [...]
30/09/2022O Contomar de Espazo Lectura inicia unha nova tempada o vindeiro luns 3 de outubro ás 18:00 horas na Biblioteca Municipal de Gondomar. As sesións de contacontos lévanse a cabo na Biblioteca Municipal de Gondomar todos os luns ás 18:00h, desde outubro a maio (agás os períodos de vacacións escolares). Esta actividade está dirixida a nenas e nenos a partir de tres anos acompañados dunha persoa adulta. Agardámosvos! [...]
29/05/2022O próximo luns 30 de maio, ás 18:00 horas, última sesión da tempada do Contomar para nenas e nenos de 3 a 9 anos na Biblioteca Municipal de Gondomar. Na sesión anterior contamos co espectáculo de música e contos “Tanta canta conta tanto” a cargo de Ángel, Pablo e Noli. Deixámosvos a continuación algunhas imaxes dese día: [...]
20/05/2022O próximo luns 23 de maio, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Nesta ocasión contaremos co espectáculo de música e contos “Tanto canta conta tanto”. Na sesión anterior contamos: Gaivota gourmet (Xerais). Unha cor propia (Kalandraka). Unha familia normal (Kalandraka). Paco papán (OQO). Deixámosvos a continuación algunhas imaxes dese día: [...]
06/05/2022O próximo luns 9 de maio, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: – Cando Leo (Xerais). – Douche a miña palabra, de Fran Alonso (Xerais). – Unha casa para Tom (Algar). – Chuvisca (Kalandraka) – Irmáns (Algar). Deixámosvos a continuación algunhas imaxes dese día: [...]
01/05/2022O próximo luns 2 de maio, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos coa actuación Filipa cos contos de Fran Campos da compañía de teatro e clown Bandullo azul. Deixámosvos a continuación algunhas imaxes dese día: [...]
25/04/2022O próximo mércores 27 de abril, ás 18:00 horas, sesión especial infantil na Biblioteca Municipal de Gondomar para nenas e nenos de 1 a 6 anos. Contaremos co espectáculo Dedas a cargo do grupo Solaina. [...]
22/04/2022O próximo luns 25 de abril, ás 18:00 horas, sesión especial do Contomar na Biblioteca Municipal de Gondomar para nenas e nenos de 3 a 9 anos. Nesta ocasión contaremos coa actuación Filipa cos contos a cargo de Fran Campos. Na sesión anterior contamos: Primeira semana na escola de vacas (Patas de peixe editora). Unha árbore. O avó de Zulaimar (OQO editora). A vella Lulula (OQO editora). Deixámosvos a continuación algunhas imaxes da mesma: [...]
01/04/2022O próximo luns 4 de abril, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: – A horta de Simón (Kalandraka). – O incrible neno devorador de libros (Patas de peixe). – Chocolata (OQO editora). – A lenda da touba do Brión. Deixámosvos a continuación algunhas imaxes dese día: [...]
25/03/2022O próximo luns 28 de marzo, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: – Elefante comellón (Kalandraka). – Frederick (Kalandraka). – Paxaros (Kalandraka). – Cinco motivos para ler poesía de Fran Alonso Deixámosvos a continuación algunhas imaxes dese día: [...]
20/03/2022O próximo luns 21 de marzo, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: – A guerra dos números (OQO) – Un can e un gato (OQO) – A partes iguais (OQO) – Miñoca e coello (Xerais) Deixámosvos a continuación algunhas imaxes dese día: [...]
13/03/2022O próximo luns 14 de marzo, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: – Pioneiras. Galegas que abriron camiño (Xerais). – Pioneiras. Galegas que abriron camiño 2 (Xerais). – Max e os superheroes (Algar). – Maruxa (OQO). Deixámosvos a continuación algunhas imaxes dese día: [...]
05/03/2022O próximo luns 7 de marzo, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: – Chin bam bum! (Kalandraka). – Tomás o bromista (Kalandraka). – É tempo de entroido e Non pare a festa. É tempo de entroido 2 (Xerais). Deixámosvos a continuación algunhas imaxes dese día: [...]
17/02/2022O próximo luns 21 de febreiro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: Caracol e vermiño, Non fai falta a voz e Mariluz avestruz (OQO editora) O oso e o piano (Hércules ediciones) Deixámosvos a continuación algunhas imaxes dese día: [...]
11/02/2022O próximo luns 14 de febreiro, ás 18:00 horas, nova sesión do Contomar para nenas e nenos de 3 a 9 anos na Biblioteca Municipal de Gondomar. Pregamos que, por favor, acuda unha única persoa adulta por unidade familiar, a excepción das contadoras e contadores que poderán acudir dous por unidade. Na sesión anterior contamos: Crocodilo (Kalandraka) A cousa que máis doe no mundo (OQO editora) A vaca que puxo un ovo (Patas de peixe) Coelliño branco (Kalandraka) Deixámosvos a continuación algunhas imaxes dese día: [...]

Casa da Lectura

A Casa da Lectura permanece pechada por reformas.
Informarémosvos da súa reapertura!

Clubs de Lectura

31/01/2023
29/01/2023O vindeiro xoves  2 de febreiro, xuntarémonos no Sete Vidas pra comentar  “8 días sen Eva Cortes” de Sara Vila publicada pola editorial Galaxia. A obra foi recoñecida co premio de narrativa Illa Nova 2021. Sara Vila A desaparición dunha rapaza en Pontevella sacode a cidade mentres a prensa local comeza a furgar na súa vida familiar e nas relacións persoais. Moitos prexuízos sociais pesan sobre Eva Cortes: ser muller, pertencer a unha familia humilde e frecuentar aplicacións de contactos. Na redacción do Correo de Pontevella non desperdician ningunha información morbosa, aínda que Antía Ubeira non estudase xornalismo para facer dun suceso tan tráxico unha noticia sensacionalista. O seu xefe só pensa en vender xornais, mentres ela se enfronta cada día aos seus principios. O diario de Eva Cortes, as novas do suceso no xornal e a visión de Antía son as tres voces que narran esta novela trepidante. Será ás 20:00 h na Biblioteca Municipal de Gondomar e contaremos coa presenza da autora. [...]
26/01/2023O 26 de xaneiro do ano 2008 constituíuse legalmente a Asociación Espazo Lectura en Gondomar. Todo botara a andar dous anos antes, en xaneiro de 2006, co Contomar. Ao longo deste tempo teñen pasado mil cousas que xa case non somos quen de enumerar: clubs de lectura, actividades infantís, espectáculos, actos reivindicativos, visitas a bibliotecas e lugares relacionados coa lectura, encontros con autoras e autores, editoriais amigas, centros de ensino, librarías, premios, festas, etc… Todo isto non tería sido posible sen o incansable traballo de todas as persoas voluntarias que, tempada tras tempada, teñen posto toda a ilusión para levar a cabo as diversas actividades, as socias e socios que economicamente sosteñen o proxecto, as editoriais socio-protectoras que son un apoio imprescindible para o noso labor e as diversas institucións públicas que son sensibles á necesidade de fomento da lectura en lingua galega. Congratulámonos con todas e todos por este percorrido tan estimulante e satisfactorio e agardamos seguir contando con tantos apoios e proxectos nun futuro cheo de lecturas por compartir. Moitos parabéns!!!! [...]
25/01/2023Este próximo sábado 28 de xaneiro temos unha nova sesión do Comando Le. Será a segunda parte do obradoiro de creación audiovisual que xa se iniciara no mes de decembro dentro das actividades desenvolvidas ao abeiro do proxecto europeo  G-BOOK2 (European teens as readers and creators in gender-positive narratives), promovido pola Universidade de Vigo. Nesta ocasión a sesión terá lugar nas instalacións do IES Auga da Laxe de 19:00h a 23:00h e, ao remate do obradoiro, os comandoleiros e comandoleiras poderán desfrutar duns petiscos ofrecidos pola UVigo, entidade que impulsa a participación neste proxecto europeo.O pasado mes de decembro tivo lugar a primeira parte do obradoiro, realizado pola axencia Comply Creative Studio e impartido por dúas persoas vinculadas ao mundo do audiovisual: Alejandro Baz e Marco Otero. Estes obradoiros constitúen unha segunda fase do proxecto, na que se pretende trasladar á linguaxe audiovisual os relatos sobre igualdade que se elaboraran o ano pasado por parte dos grupos dos seis estados europeos participantes.   Ao Comando Le correspóndelle traballar co relato de Eslovenia, nun proceso que se iniciou na sesión anterior e que permite que se traten aspectos relacionados coa gravación, o son, a iluminación, a edición, etc. Deixamos a continuación as imaxes desa primeira parte do obradoiro audiovisual, celebrada no mes de decembro: [...]
25/01/2023O club de lectura compartida Lendo Contigo celebra a sesión do mes de xaneiro con Neko, de Eva Mejuto (Oqueleo), que nos acompañará nesta actividade. Desde a ollada de Xoana, unha nena que sempre vai acompañada do seu can, a historia trata sobre as consecuencias da violencia de xénero.  Será o sábado 28 de xaneiro, ás 12:00h, na Biblioteca Municipal de Gondomar.  Agardámosvos! Deixámosvos as imaxes da sesión do mes de decembro, na que a obra proposta foi O destino de Kameko, de Abel Alves e Jorge Campos (Aira Editorial). [...]
21/01/2023O próximo venres 27 de xaneiro ás 18 horas, na Biblioteca Municipal de Gondomar, poderemos disfrutar dunha nova sesión de Contos en Cueiros para acompañar aos nenos e nenas de 0 a 3 anos no seu inicio coa lectura. Nesta ocasión “Xogamos coa lúa” e contaremos contos ao redor deste corpo celeste.  A actividade precisa inscrición previa para poder respectar a capacidade da sala e o benestar dos asistentes á actividade. A entrada será, coma sempre, de balde. Criterios de inscrición: Contamos cun aforo limitado a 20 bebés acompañados de 1 persoa adulta. Os criterios de inscrición son os seguintes: – Terán prioridade os fillos/as de socios e socias de Espazo Lectura, por orde de inscrición. – Para inscribirse cómpre enviar un correo antes das 12:00 horas do mércores 25 de xaneiro a contosencueiros@gmail.com e facilitar: o nome do bebé o ano de nacemento: nenos/as de 0 a 3 anos nacidos en 2020 ou despois o nome da persoa adulta que o vai acompañar un teléfono de contacto (para avisar en caso de quedar en lista de espera) en caso de ser socios/as de Espazo Lectura, o nome do socio/a – Lembrade que é importante facilitar todos os datos que se solicitan na inscrición.  – Todas as persoas que se inscriban deben esperar un correo de confirmación para saber se finalmente teñen praza (este correo de confirmación non se enviará antes do remate do prazo de inscrición). Animádevos a participar! [...]
18/01/2023O vindeiro sábado21 de xaneiro o Daquelas que Len comeza o ano coa obra Os seres queridos, de Berta Dávila, galardoada co Premio Xerais de Novela 2021. Berta Dávila Os seres queridos é un relato incómodo sobre o que significa o amor maternal. Cinco anos despois de ser nai, a protagonista desta novela atópase na disxuntiva de decidir se quere volver a selo ou non. A historia afonda na experiencia pasada: a tranformación da muller que deixou atrás, a nai recente e a futura que non vai ser. Fala sobre a dor, a culpa e o arrepentimento, pero sen limitar a mirada a esta situación, senón confrontándoa tamén con outras, coma os vínculos coa familia, a parella e as amizades, e en como a literatura é capaz de recoller todo aquilo ao que moitas veces nos custa pór nome. Terá lugar ás 12:00 h na Biblioteca Municipal de Gondomar e contaremos coa presenza da autora. [...]
11/01/2023O vindeiro martes día 17 de xaneiro teremos a primeira sesión do ano no Lecturas Debuxadas coa obra O bosque dos raposos aforcados de Nicolas Dumontheuil (Rinoceronte Editora), baseada na novela de Arto Paasilinna. Unha serie de estrafalarias aventuras protagonizadas por un fuxitivo da xustiza, un exmilitar alcólico e unha nonaxenaria fuxitiva constrúen unha narración divertida e trepidante nas recónditas paisaxes da Laponia finlandesa. É unha obra chea de humor e trata temas como a amizade, o poder do diñeiro e as normas de convivencia nun entorno totalmente agreste.             A sesión terá lugar na Biblioteca Municipal de Gondomar ás 20:00h. Se queres participar mediante videoconferencia, envía un correo a lecturasdebuxadas@gmail.com             Por outra banda, o martes 13 de decembro pechamos o ano no Lecturas Debuxadas con “La isla” de Mayte Alvarado. Supuxo compartir moitas lecturas diferentes da obra que resulta aberta e suxerente. Intercambiar todas interpretacións das persoas que alí estabamos, aportou novas visións que nos axudaron a caer na conta de aspectos narrativos que pasaramos por alto. O encontro coa autora fixo que nos decatásemos de que na súa intención non estaba facer unha obra pechada narrativamente, pero si deixar moitos cabos á nosa interpretación. [...]
09/01/2023O próximo xoves 12 de xaneiro o Sete Vidas inicia o novo ano falando de A vexetariana, da autora surcoreana Han Kang, traducida ao galego por Alba Verea e editada por Rinoceronte. Han Kang Yeonghye é unha muller sen apenas voz que decide facerse vexetariana logo de empezar a ter soños violentos. O marido de Yeonghye, o seu cuñado e a súa irmá máis vella contan a historia desta muller dende o seu punto de vista nos tres relatos que compoñen esta novela: “A vexetariana”, “A mancha mongólica” e “As lapas das árbores”. Será ás 20:00 h na Biblioteca Municipal de Gondomar. [...]
30/12/2022
16/12/2022Este próximo sábado 17 de decembro temos sesión do Comando Le de 19:00h a 22:00h na Biblioteca Municipal de Gondomar. Nesta ocasión os comandoleiros e comandoleiras participarán nun obradoiro de creación audiovisual realizado pola axencia Comply Creative Studio e impartido por tres persoas vinculadas ao mundo do audiovisual: Alejandro Baz, Marcos Pimentel e Marco Otero.O obradoiro forma parte do proxecto europeo G-BOOK2 (European teens as readers and creators in gender-positive narratives), no que o Comando Le xa pariticipou a tempada pasada, xunto con outros seis socios europeos, a través da Universidade de Vigo. Logo da fase anterior, que incluíra obradoiros de escrita que deron como resultado a elaboración de relatos sobre igualdade de xénero, nesta segunda fase a proposta consiste en facer unha peza audiovisual a partir dos relatos gañadores. Ao Comando Le correspóndelle traballar co relato de Eslovenia, nun proceso que permitirá que se traten aspectos relacionados coa gravación, o son, a iluminación, a edición, etc. Deixamos a continuación as imaxes da sesión de novembro, na que o Comando Le viaxou ata Pontevedra para visitar o Culturgal e dar un paseo pola cidade: [...]
16/12/2022Este mes de decembro o club de lectura compartida Lendo Contigo reúnese de novo, e a obra escollida é O destino de Kameko, de Abel Alves e Jorge Campos, editado por Aira Editorial. Animádevos a participar nesta sesión na que falaremos do manga e do Xapón. Contaremos coa presenza do autor! Será na Biblioteca Municipal de Gondomar o sábado 17 de decembro ás 12:00h. Agardámosvos! En novembro fomos de excursión ao Culturgal, actividade compartida co Comando Le. Podedes ver as imaxes dese día aquí: [...]
09/12/2022
08/12/2022O próximo venres 16 de decembro ás 18:00 horas, na Biblioteca Municipal de Gondomar, poderemos desfrutar dunha nova sesión de Contos en Cueiros. Nesta ocasión acompañaremos aos máis pequenos con un conto sensorial sobre as rutinas diarias, “Bos días, boas noites”. Esta actividade vai dirixida aos nenos e nenas de 0 a 3 anos. A actividade precisa inscrición previa para poder respectar a capacidade da sala e o benestar dos asistentes á actividade. A entrada será, coma sempre, de balde. Criterios de inscrición: Contamos cun aforo limitado a 20 bebés acompañados de 1 persoa adulta. Os criterios de inscrición son os seguintes: – Terán prioridade os fillos/as de socios e socias de Espazo Lectura, por orde de inscrición. – Para inscribirse cómpre enviar un correo antes das 12:00 horas do mércores 23 de novembro a contosencueiros@gmail.com e facilitar: o nome do bebé o ano de nacemento: nenos/as de 0 a 3 anos nacidos en 2019 ou despois o nome da persoa adulta que o vai acompañar un teléfono de contacto (para avisar en caso de quedar en lista de espera) en caso de ser socios/as de Espazo Lectura, o nome do socio – Lembrade que é importante facilitar todos os datos que se solicitan na inscrición.  – Todas as persoas que se inscriban deben esperar un correo de confirmación para saber se finalmente teñen praza (este correo de confirmación non se enviará antes do remate do prazo de inscrición). Animádevos a participar! [...]
07/12/2022No Lecturas Debuxadas despedimos o ano coa banda deseñada La Isla de Mayte Alvarado (Reservoir books). Os habitantes da illa viven baixo a ameaza de que, segundo un conto de mariñeiros, unha gran onda chegará un día para arrasar todo ao seu paso. Mentres, os personaxes deambulan pola paisaxe: unha moza, un home e un can. O debuxo é moi expresivo e de enorme beleza e ten unha enorme capacidade de transportar a un universo de poesía visual. A sesión será o vindeiro martes día 13 de decembro ás 20:00h na Biblioteca Municipal de Gondomar e contaremos coa presenza da autora mediante vídeoconferencia. Se queres participar mediante videoconferencia, envía un correo a lecturasdebuxadas@gmail.com Coincidindo co vixésimo aniversario da catástrofe do Prestige reunímonos o pasado día 15 de novembro na Biblioteca municipal para comentar o cómic A Conta atrás (editorial ecc), con guión de Carlos Portela e debuxado por Sergi San Julián. É a segunda vez que lemos esta obra no Lecturas Debuxadas, en xuño de 2009 só estaba a primeira parte, e nesta ocasión puidemos gozar da obra completa e coñecer, de primeira man, cales foron as vicisitudes que ocasionaron a enorme tardanza. A historia comeza un ano despois do accidente dun petroleiro que causou unha gran marea negra coa campaña publicitaria por parte do goberno autonómico anunciando a recuperación da costa e do sector pesqueiro. A partires de aí vanse contando todos os acontecementos en sentido inverso, aparecendo retratados todos os actores: mariñeiros, xornalistas, comerciantes e voluntarios. Contamos coa presenza dos autores que nos deron moitos datos que aportaron verosimilitude ao que, os que estabamos alí, recordabamos por telo vivido en primeirapersoa. Foi unha sesión moi interesante e é unha obra necesaria para recoller unha memoria colectiva que as novas xeracións descoñecen. [...]
24/11/2022O próximo mércores 30 de novembro o Sete Vidas celebrará a última sesión do ano. Falaremos da novela O meu sangue, do escritor porriñés Diego Giráldez (Ed. Galaxia). Diego Giráldez O meu sangue é unha intriga que nos arrastra ao particular descenso aos infernos do protagonista. Para David Ledesma, que soña con ser un escritor de éxito de novela negra, un disparo ridículo nunha perna é o colofón da súa vida con Belén e o comezo dunha relación tráxica con María. A partir de aquí, o protagonista mergúllase nunha trama onde a violencia, a maldade e o amor entretecen un relato de vinganza. Será ás 20:00 h na Biblioteca Municipal de Gondomar. Contaremos coa presenza do autor. [...]
23/11/2022Este próximo sábado 26 de novembro o Lendo contigo e o Comando Le trasladan as súas actividades ao Culturgal, a feira das industrias culturais de Galicia que se celebra en Pontevedra do 24 ao 27 de novembro. Os nenos e nenas que forman parte do Lendo contigo e os mozos e mozas que asisten habitualmente ás sesións do Comando Le pasarán a tarde do sábado en Pontevedra para visitar a feira e asistir a distintas actividades das que se inclúen na súa ampla programación. Será unha sesión diferente, que lles permitirá a todos os participantes coñecer de primeira man o Culturgal, que este ano celebra o seu 15º aniversario.  Deixámosvos a continuación as imaxes da sesión de outubro do Comando Le, que celebrou en outubro unha primeira sesión de benvida e presentación para os comandoleiros e comandoleiras: [...]
18/11/2022O próximo venres 25 de novembro ás 18:00 horas, na Biblioteca Municipal de Gondomar, poderemos disfrutar dunha nova sesión de Contos en Cueiros. “Oso busca un lugar onde durmir”, un conto sensorial co que volveremos acompañar aos nenos e nenas de 0 a 3 anos no seu inicio coa lectura. A actividade precisa inscrición previa para poder respectar a capacidade da sala e o benestar dos asistentes á actividade. A entrada será, coma sempre, de balde. Criterios de inscrición: Contamos cun aforo limitado a 20 bebés acompañados de 1 persoa adulta. Os criterios de inscrición son os seguintes: – Terán prioridade os fillos/as de socios e socias de Espazo Lectura, por orde de inscrición. – Para inscribirse cómpre enviar un correo antes das 12:00 horas do mércores 23 de novembro a contosencueiros@gmail.com e facilitar: o nome do bebé o ano de nacemento: nenos/as de 0 a 3 anos nacidos en 2019 ou despois o nome da persoa adulta que o vai acompañar un teléfono de contacto (para avisar en caso de quedar en lista de espera) en caso de ser socios/as de Espazo Lectura, o nome do socio – Lembrade que é importante facilitar todos os datos que se solicitan na inscrición.  – Todas as persoas que se inscriban deben esperar un correo de confirmación para saber se finalmente teñen praza (este correo de confirmación non se enviará antes do remate do prazo de inscrición). Animádevos a participar! [...]
14/11/2022O vindeiro sábado 19 de novembro o Daquelas que Len reunirase para falar da obra Feliz Idade, de Olga Novo, galardoada co Premio Nacional de Poesía 2020, da Crítica Española e Premio Gala do Libro Galego. Feliz Idade é un poemario que recompila experiencias vitais da autora baixo o nexo común do amor, das relacións familiares, marcadas de forma especialmente profunda e intensa polo nacemento da filla e a morte do pai, e do forte arraigo á terra e ás orixes. A través destes eixos, o suxeito-muller vai tecendo un universo onde o poético se configura como estratexia de resistencia e supervivencia, que permite unha comunicación verdadeira máis alá dos límites da razón e da propia linguaxe. En definitiva, un canto esperanzado á vida e ao presente. Olga Novo Terá lugar ás 12:00 h na Biblioteca Municipal de Gondomar. Contaremos coa presenza da autora. [...]
09/11/2022Recentemente, acaba de publicarse a reedición do cómic A conta atrás na que se inclúe a primeira parte, publicada en 2008, a segunda parte, inédita ata agora, e un epílogo creado despois de coñecer a sentencia xudicial. Cóntase a historia do desastre do Prestige desde o punto de vista dos diferentes personaxes (mariñeiros, periodistas, políticos, activistas, voluntarios…) conformando unha visión ampla e reflexiva do ocorrido en novembro de 2002. A conta atrás, de Carlos Portela e Sergi San Julián, será a proposta do Club Lecturas Debuxadas deste mes: o martes, 15 de novembro, a partir das 20:00h, na Biblioteca municipal de Gondomar. Contaremos coa presenza dos autores e poderemos participar mediante videoconferencia (enviar correo a lecturasdebuxadas@gmail.com). No Lecturas Debuxadas comezamos a tempada con Soy la Malinche da viguesa Alicia Jaraba Abellán. Foi o martes 18 de outubro na Biblioteca Municipal, onde había 13 persoas e 3 máis por videoconferencia. Trátase dun relato intimista que ten como protagonista á Malinche, filla dun cacique nahua caído, que grazas ao seu dominio de varias linguas acabaría converténdose en intérprete e conselleira de Hernán Cortés con tan só 18 anos. Tanto para as persoas que coñecían o personaxe histórico como para aquelas que non sabían da súa existencia resultou unha lectura cautivadora e sorprendente. Unha visión poliédrica do choque cultural que supuxo a conquista de México e na que se poñen de manifesto moitos aspectos que teñen que ver coas mulleres, a comunicación, os afectos, a liberdade, a adaptación e a diversidade humana. Todo isto fuxindo dunha visión maniquea e reducionista. Alicia Jaraba incorporouse ao club na segunda hora e explicou como foi o proceso de creación da obra e deunos moitas claves para coñecer de maneira máis profunda á Malinche. [...]
08/11/2022
01/11/2022O próximo xoves 3 de novembro o Sete Vidas reunirase para falar da obra Cabalo baio, xinete pálido, da autora estadounidense Katherine Anne Porter, traducida por Celia Recarey (Irmás Cartoné). Cabalo baio, xinete pálido reúne tres novelas breves de argumento independente, mais percorridas por temas comúns: o peso do pasado, a ausencia de futuro e as súas traxedias. A terceira, que dá título ao libro, está inspirada na propia experiencia da autora, que estivo a piques de morrer de influenza en 1918.Será ás 20:00 h na Biblioteca Municipal de Gondomar. Contaremos coa presenza da tradutora. [...]
25/10/2022A nosa noraboa para Marilar Aleixandre que estivo en Gondomar en decembro de 2021 no club de Lecturas feministas “Daquelas que len” con “As malas mulleres”. Gozamos moito daquela lectura e da conversa coa autora. Alegrámonos hoxe deste merecidísimo premio que recoñece a Marilar Aleixandre e as nosas letras. Parabéns! [...]
18/10/2022O sábado 22 de outubro o club de lectura compartida Lendo Contigo celebra a primeira sesión desta tempada. Para a ocasión o libro proposto é Patio de Luces, de Érica Esmorís (Xerais), que nos visitará para falar de Lea e dos seus veciños e veciñas deste patio de luces tan especial. A sesión será o sábado ás 12:00h na Biblioteca Municipal de Gondomar. Agardámosvos! Deixámosvos as imaxes da sesión de fin de tempada do mes de xuño na área de lecer Lago do Lapido, en Morgadáns, que xirou arredor do libro Desde unha estrela distante, de Agustín Fernández Paz (Xerais), e na que contamos coa asociación Astronómica de Vigo, coa que realizamos unha observación do ceo. [...]
17/10/2022Este próximo sábado 22 de outubro, de 20:00h a 22:00h, a Biblioteca Municipal de Gondomar acollerá a primeira sesión da tempada do Comando Le, o grupo de activismo cultural que Espazo Lectura organiza para rapaces e rapazas de máis de 12 anos. Esta primeira sesión permitiranos facer unha presentación da actividade para as persoas que asistan por primeira vez, ao tempo que servirá como reencontro das persoas que xa participaban en tempadas anteriores. Se tes máis de 12 anos e queres reflexionar e achegarte a diferentes temas, con outra xente da túa idade, a través da conversa, do cine, das excursións, das charlas e obradoiros con escritoras e escritores e, por suposto, dos libros e a lectura, anímate a vir este sábado ás 20:00h á Biblioteca Municipal de Gondomar. Para ir abrindo boca, deixámosvos a continuación as imaxes da sesión coa que pechamos a tempada anterior: unha excursión a Santiago que nos permitiu visitar a Biblioteca Pública Ánxel Casal, realizar unha actividade no Museo do Pobo Galega, participar nun xogo de pistas literarias e culturais pola cidade e asistir á representación teatral da obra “A farsa das zocas” de Carvalho Calero: [...]
14/10/2022O vindeiro martes, día 18 de outubro, abriremos a tempada no Club Lecturas debuxadas co cómic Soy la Malinche, de Alicia Jaraba Abellán. Trátase dun relato intimista que ten como protagonista á Malinche, filla dun cacique nahua caído, que grazas ao seu dominio de varias linguas acabaría converténdose en intérprete e conselleira de Hernán Cortés con tan só 18 anos. Será o martes, 18 de outubro, a partir das 20:00h, na Biblioteca municipal de Gondomar. Contaremos coa presenza da autora e poderemos participar mediante videoconferencia (enviar correo a lecturasdebuxadas@gmail.com). Para a derradeira sesión da tempada do Lecturas Debuxadas, escollemos “Oleg”, de Frederik Peeters. Un autor que repetiu no club despois de moito tempo, xa que o seu “Píldoras Azules” foi un dos primeiros cómics que se leron aquí. Despois de vinte anos, Peeters volve con outra obra autobiográfica, esta vez contada polo medio dun alias, e fala do seu momento da vida como creador, como parella e como pai. Pódese dicir que todo o que estaba naquel “Píldoras azules” volve estar: a tenrura, o detallismo, a gran capacidade narrativa e imaxinativa, pero todo mellorado por un debuxo moito máis maduro, máis preciso, con moitos máis recursos que, ás veces, parecen ilimitados: Peeters debuxa situacións, escenas e sentimentos cun abrumador e variadísimo dominio do debuxo, dos encadres e da composición de páxina. “Oleg” resulta ser unha BD redonda e excelente, onde as reflexións do autor sobre a vida, o futuro, a creación e a familia se intercalan de xeito elegante con anacos do seu día a día. Como é tradición tamén fixemos as recomendacións para as lecturas do verán e marchamos de vacacións cun bo feixe de cómics por ler. O Club Lecturas Debuxadas pechou unha etapa. Facendo reconto sae un bo feixe de lecturas, 124, durante 14 anos (2008-2022). Moitas grazas Óscar, moitas grazas Pablo e moitísimas grazas Félix por achegarnos ao mundo da banda deseñada e encher o noso club de “cadriños” que nos fixeron voar. Seguimos lendo e compartido e sumando lecturas a esa lista interminable. [...]
13/10/2022O próximo venres 21 de outubro ás 17:00 horas, na Biblioteca Municipal de Gondomar, poderemos disfrutar da primeira sesión desta tempada de Contos en Cueiros. Con “1, 2, 3, comezamos outra vez” volveremos acompañar aos nenos e nenas de 0 a 3 anos no seu inicio coa lectura. A actividade precisa inscrición previa para poder respectar a capacidade da sala e o benestar dos asistentes á actividade. A entrada será, coma sempre, de balde. Criterios de inscrición: Contamos cun aforo limitado a 20 bebés acompañados de 1 persoa adulta. Os criterios de inscrición son os seguintes: – Terán prioridade os fillos/as de socios e socias de Espazo Lectura, por orde de inscrición. – Para inscribirse cómpre enviar un correo antes das 12:00 horas do mércores 19 de outubro a contosencueiros@gmail.com e facilitar: ● o nome do bebé ● o ano de nacemento: nenos/as de 0 a 3 anos nacidos en 2019 ou despois ● o nome da persoa adulta que o vai acompañar ● un teléfono de contacto (para avisar en caso de quedar en lista de espera) ● en caso de ser socios/as de Espazo Lectura, o nome do socio/a – Lembrade que é importante facilitar todos os datos que se solicitan na inscrición. – Todas as persoas que se inscriban deben esperar un correo de confirmación para saber se finalmente teñen praza (este correo de confirmación non se enviará antes do remate do prazo de inscrición). Animádevos a participar! [...]
03/10/2022O Sete Vidas inaugura unha nova tempada o xoves 6 de outubro con Non penses nun elefante rosa, de Antía Yáñez (Xerais). Con sentido do humor e abordando a fondo o tema da saúde mental, Antía Yañez relátanos a historia de Aurora, unha «millennial» autoesixente e perfeccionista que vive a súa vida coma unha voráxine que non é capaz de controlar. Será ás 20:00 h na Biblioteca Municipal de Gondomar. Contaremos coa presenza da autora. [...]
30/09/2022
20/06/2022Oleg, de Frederik Peeters, é a última proposta desta tempada do Club Lecturas Debuxadas. Vinte anos despois de Píldoras Azules, que tamén lemos no club, Peeters volve falar de si mesmo e do seu proceso creador, aínda que agora o fai en terceira persoa, con máis liberdade para recrear a súa vida e o seu traballo. Será o martes 21 de xuño, a partir das oito da tarde, na Biblioteca Municipal de Gondomar. Tamén se poderá participar a través de videoconferencia (enviar correo a lecturasdebuxadas@gmail.com). Para o Lecturas Debuxadas do mes de maio, xuntámonos na Biblioteca de Gondomar o día 24, e falamos sobre “ Bo Tempo”, de Alberto Díaz. O cómic xira arredor da figura do pintor e ilustrador Reimundo Patiño, quen mesmo fixo algunha incursión no mundo da BD (Dúas viaxes, O home que falaba vegliota), pero máis que unha biografía, é un conxunto de anécdotas de Patiño e reflexións do autor sobre a súa obra. Moitas das anécdotas proceden da amizade de Reimundo co pintor León Díaz, tío do autor. É de destacar o ben que funciona a obra narrativamente, cun bo ritmo, avanza e conta sempre de xeito áxil e leva a unha lectura moi amena e gozosa, aínda que non se coñeza a obra de Reimundo Patiño ou non se teña nel especial interese. Apoiado nunha composición de páxina moi variada, o debuxo é áxil, nidio, máis caricaturesco que realista, pero logra, cando se precisa, unhas ambientacións moi emotivas. Os capítulos do libro, que foron improvisando segundo o autor tiña acceso a anécdotas ou material, quedan despois perfectamente ordenados, e a sensación de avance e progresión é moi satisfactoria. Alberto Díaz uniuse por videoconferencia na segunda hora, e contounos moito do proceso de creación, da súa relación con Reimundo, e é resultado do que con el falamos e nos contou. [...]