Este vindeiro sábado 25 de xaneiro, ás 20:00h, os mozos e mozas do Comando Le teñen un novo encontro na Casa da Lectura. Será unha sesión na que continuaremos co tema que ocupará algunhas das sesións desta tempada: a nosa tradición oral.
Para acompañarnos nesta ocasión contaremos coa colaboración de Félix, Noli, Pablo, Anxo, Mirian e Isaac. Será unha sesión con canto, música e creación poética a partir de coplas das cantigas tradicionais.
Á sesión anterior do Comando Le acudiron 21 rapaces e rapazas e contamos coa presenza de Leni Pérez, profesora de percusión e experta en música tradicional e recuperación de cantares de tradición oral por toda Galicia desde os anos 90. Aprendeunos a tocar ritmos cos instrumentos tradicionais e explicounos moitas cousas que descoñeciamos de como se orixinou todo isto. Na segunda parte da sesión achegáronse as pandereteiras de Borreiros e tivemos festa rachada!
Vémonos na Casa da Lectura o sábado 25 de xaneiro!
