O martes día 20 de xaneiro ás 20:00 h, na Biblioteca de Gondomar, celébrase a sesión mensual do Club Lecturas Debuxadas, na que comentaremos Entender o cómic, de Scott McCloud (Riniceronte Editora).
Ao longo de 224 páxinas Scott McCloud emprende unha análise amena e profunda das características propias do cómic como linguaxe literaria. Este libro supuxo unha auténtica referencia no seu momento e segue constituíndo o primerio título da bibliografía de quen queira achegarse ao cómic, vinte anos despois da súa aparición.
Estas son algunhas imaxes da sesión de decembro do Lecturas Debuxadas, que consistiu nunha visita á escola de banda deseñada O Garaxe Hermético. A visita comezou cunha interesante charla de Kiko da Silva, o director da escola. Despois coñecemos as fermosas instalacións do centro. Ficamos moi agradecidos pola acollida.
