O vindeiro xoves 9 de xaneiro o Sete Vidas inaugura o ano cunha nova sesión na que falaremos de Ao sur da liberdade, primeira parte da triloxía Banu Marwán: a estirpe do galego, do filólogo e escritor Xosé-Henrique Costas (Morgante).
Esta novela, ambientada na Gallaecia do século VIII, narra a historia de Ianes, un rapaz do castrelo do Viso entregado para criado no mosteiro de Samos, que foxe ao sur do Douro, á “Terra de ninguén”, para que non o condenen por un crime que non cometeu.
Será ás 20:00 na Biblioteca Municipal de Gondomar. Contaremos coa presenza do autor.
