O martes 10 de xuño ás 20 horas na Casa da Lectura teremos unha sesión especial do club de lectura con Mario Obrero e Con e de curcuspín, un libro que acaba de saír no que o escritor e poeta xetafense escribe, de maneira lírica, intelixente e sentida, cartas ás linguas desta península. Especialmente poética e fermosa é a que dirixe á Lingua Galega.
Convidámosvos a que vos acheguedes a esta obra e que non vos perdades a visita de Mario. As súas palabras sempre deixan pegada.
