Como cada mes de outubro, o club de lectura compartida Lendo Contigo celebra a primeira sesión da tempada.
Nesta ocasión será co libro Axencia Galega de Asuntos Máxicos, de Miguel Alonso Diz (Xerais). Esta é unha historia con personaxes da mitoloxía galega, andeis secretos, maxia, mouchos, misterios e aventuras. Que máis se pode pedir?
A sesión será o sábado 19 de outubro, ás 12:00h, na Biblioteca Municipal de Gondomar. Ademais, contaremos coa presenza do autor.
Agardámosvos!!
No mes de xuño rematamos a tempada do Lendo Contigo con Andrea Maceiras e Burbullas de calma serena (Cuarto de inverno). Deixámosvos aquí unhas imaxes desta sesión:
