O vindeiro sábado 27 de setembro Espazo Lectura inaugura unha nova tempada cun mercado solidario de libros de segunda man co fin de recadar fondos para o documental A rebelión da lectura, que se estreará no mes de xaneiro de 2026.
Esta xornada terá lugar o sábado 27 de 11:00h a 20:30h na Casa da Lectura (Nogueira, 8, Donas, Gondomar) coa seguinte programación, aberta a calquera persoa que se queira achegar:
- 11:00h Benvida e presentación da tempada.
- 11:15 Apertura do mercado solidario de libros de segunda man.
- 12:00h Lectura de fragmentos narrativos.
- 17:00h Contacontos infantil.
- 19:00h Recital de poesía.
- 20:30h Peche do mercado solidario.
Ao longo da xornada contaremos coa presenta de autores e autoras convidados, que iremos desvelando ao longo da semana a través das redes sociais do documental A rebelión da lectura e de Espazo Lectura.
Agardámosvos!
