Este venres, 28 de febreiro, celebraremos unha nova sesión de Contos en Cueiros. Nesta sesión gozaremos do Entroido en compañía do noso ben querido Elmer, o elefantiño multicolor.
A actividade comeza ás 18:00 horas na Casa da Lectura e precisa inscrición previa.
Criterios de inscrición:
Contamos cun aforo limitado a 15 bebés acompañados dunha persoa adulta. Os criterios son os seguintes:
– Terán prioridade os fillos/as de socios e socias de Espazo Lectura, por orde de inscrición.
– Para inscribirse cómpre enviar un correo antes das 12:00 horas do mércores anterior á sesión a contosencueiros@gmail.com e facilitar:
– o nome do bebé
– o ano de nacemento: nenos/as de 0 a 3 anos nacidos en 2017 ou despois
– o nome da persoa adulta que o vai acompañar
– un teléfono de contacto (para avisar en caso de quedar en lista de espera)
– en caso de ser socios/as, o nome do socio/a
Todas as persoas que se inscriban deben esperar un correo de confirmación para saber se finalmente teñen praza. Ese correo enviarase o día en que remata o prazo de inscrición, o mércores anterior á sesión.
