O próximo martes 18 de febreiro o Lecturas Debuxadas e o Sete Vidas únense nunha sesión conxunta para falar de Matadoiro cinco de Kurt Vonnegut, editado por Rinoceronte e con tradución de Estela Villar, e da súa adaptación a banda deseñada, por Albert Monteys e Ryan North (Astiberri).
Ficción histórica, autobiografía, ciencia ficción e sátira mestúranse neste relato das experiencias de Billy Pilgrim durante a Segunda Guerra Mundial, concretamente na destrución de Dresden.
Será ás 20:00 na Biblioteca municipal de Gondomar.
