Este luns 9 de febreiro, ás 18:00 horas, a Biblioteca Pública Municipal de Gondomar acollerá unha sesión moi especial do Contomar, coa que celebraremos os 20 anos do seu nacemento.
O Contomar é unha actividade de contacontos en lingua galega que se constitúe como a actividade fundacional de Espazo Lectura. Desde a súa creación, converteuse nun espazo de encontro estable entre as familias e os contos, un lugar onde a palabra narrada, a escoita compartida e o pracer pola lectura tecen comunidade arredor dos libros.
Ao longo destas dúas décadas, o Contomar foi medrando sesión a sesión, acollendo xeracións de nenas e nenos, familias e historias, sempre coa lingua galega como fío condutor e coa oralidade como ferramenta para achegar a literatura desde idades temperás.
Na sesión anterior contamos:
– Maruxa (OQO).
– O avó de Zulaimar (OQO).
– Osa (Kalandraka).
– A nena que abrazaba as árbores (Alvarellos editora).
– O grúfalo (Patas de peixe).
Na seguinte ligazón podedes ver as imaxes da sesión:
