Dentro da programación da Semana do Libro e a Lectura, Contos en Cueiros celebra unha sesión especial coa obra de teatro para bebés Viaxe a Dadá, a cargo de Teatro da Semente.
A representación será o sábado 27 ás 17:30 horas na Biblioteca de Gondomar. Nesta ocasión non haberá inscrición previa, a entrada será libre ata completar aforo e só poderá entrar un adulto por bebé para garantir que os pequenos/as teñan a mellor visibilidade posible.
