A noite do domingo, 23 de xuño, a asociación Espazo Lectura celebra o San Xoán coa XIII Fogueira dos Versos, unha festa na que se combina a celebración popular desta data (con comida, bebida e cacharela) co recitado de poemas a carón do lume e cun concerto para toda a familia a cargo, nesta ocasión, dos Carunchos.
A Fogueira dos Versos celébrase na Casa da Lectura (Donas) a partir das 20:30 horas. Podedes traer algo de comida e bebida para compartir e tamén, se queredes, algún poema.
Nesta ocasión a Fogueira dos Versos cobra un sentido especial xa que non se celebraba desde o ano 2019, primeiro por mor da pandemia e, despois, debido ás obras de mellora que se acometeron nas instalacións da Casa da Lectura. Esta actividade é a que pon o peche a esta tempada na que retomamos pouco a pouco a actividade na Casa da Lectura grazas ao traballo voluntario e desinteresado dos membros da asociación, conseguindo ofrecer de maneira aberta e gratuíta preto de 100 actividades dirixidas a persoas de todas as idades. Volveremos a retomar as actividades no mes de outubro, pero antes…
Agardámosvos na Casa da Lectura para celebrar a Noite de San Xoán!
