Esta semana, na sesión de dinamización lectora dos mércores na Casa da Lectura, acompañaranos unha manchea de bechos verdes. Leremos os contos Croco, Será unha ra? e A tartaruga que quería durmir e faremos un divertido obradoiro. A actividade comeza ás 18:00 horas e dende as 17:30 aténdese o servizo de préstamo bibliotecario.
O mércores 5 de abril a sesión estivo dedicada ao mundo do autor e ilustrador Oliver Jeffers. Contamos varios dos seus contos, entre eles, How to cach a star. Logo construímos as nosas propias estrelas-compañeiras e fixemos unha foto no foguete do neno protagonista dos seus libros. Quedamos tan contentas e contentos, que mesmo pensamos en fundar o club de fans de Oliver Jeffers da Casa da Lectura. As fotos dese día pódense ver aquí: https://goo.gl/photos/EX67vuryZPdnYWCeA
