Na semana do Libro e a Lectura 2023, o cómic proposto para o Lecturas Debuxadas será Manual de Escola (1 e/ou 2), de Xosé Tomás, onde se reflexiona sobre a importancia da escola no desenvolvemento dos/as nenos/as de maneira crítica a través de viñetas de humor gráfico dende o punto de vista do autor como profesor, como cidadán, como neno… Cunha clara influencia de Francesco Tonucci “Frato”, que prologa o primeiro volume.
Será o martes 18 de abril, na Biblioteca Municipal de Gondomar ás 20:00h e debido a un imprevisto, pese ao que estaba anunciado, non poderemos contar coa presenza do autor. Se queres participar mediante videoconferencia, envía un correo a lecturasdebuxadas@gmail.com
