Este venres 25 de xaneiro, Contos en Cueiros celebra a primeira sesión de 2019. Será unha sesión dedicada á lúa, na que lle contaremos contos e lle cantaremos cancións.
A actividade comeza ás 18:00 horas na Casa da Lectura e precisa inscrición previa.
Criterios de inscrición
Contamos cun aforo limitado a 15 bebés acompañados de 1 persoa adulta. Os criterios de inscrición son os seguintes:
– Terán prioridade os fillos/as de socios e socias de Espazo Lectura, por orde de inscrición.
– Para inscribirse cómpre enviar un correo a contosencueiros@gmail.com e facilitar:
- o nome do bebé
- o ano denacemento: nenos/as de 0 a 3 anos nacidos en 2016 ou despois
- o nome da persoa adulta que o vai acompañar
- un teléfono de contacto (para avisar en caso de quedar en lista de espera)
- en caso de ser socios/as, o nome do socio/a
– Todas as persoas que se inscriban deben esperar un correo de confirmación para saber se finalmente teñen praza. Ese correo enviarase o día en que remata o prazo de inscrición, o mércores anterior á sesión.
Deseguido pódense ver as fotos da última sesión, na cal as familias tiveron moito que contar:
